| فاصخه مخي وأتفر... 的个人资料فاصخه مخي وأتفرج عليه照片日志列表 |  工具  帮助 |
|
6月5日 قطوهذاك اليوم كنت طالعه
ويوم رجعت للبيت لقيت بيتنا يخترج وكل البيبان مفتحه وانواع الصراخ
ويوم دخلت لقيت الشغالات وخواتي كل وحده ماسكه شي ياعصا مكنسه والا نعال والا علبة مناديل والا سكينه خخخخخخخخخخ امزح
المهم قلت وش السالفه قالوا قطوة شوارع دخلت بيتنا ياويييلي عاد انا أكره هالشي
ولا من زود الملح تعرف وين تتوزى(فوق الستاره)ياهوه انزلي يابنت الناس وعيت لدرجة اني صورتها وهددتها بنشرها فالبلوتوث وقالت وش زود(تكفى يابرجس)عني
المهم انها حيوانه وحبيت انشر صورتها بس لاتسألوني عن نهايتها لأنكم بتكروهن عائلتي المصونه هع
هي اللي ماتت هم كانوا يسحبونها بيطلعونها مادروا انها بتموت بسرعه :|بس عاد الله يرحمها 4月30日 البثاره وماادراك مالبثارهيالله ان تحييهم
صارلي موقف قبل شوي وخلاني اجي هنا وافضفض لكم شوي من اللي فيني من هالدلوووووخ
ياناس بدخل علطول فالموضوع لو فيه أحد معاكم فالماسنجر وحاط الحاله فالخارج وش يعني؟!!يعني انه جالس على الكمبيوتر مثلاً؟طبعا لاااااااااااء أكيد انه فالخارج
ولو فيه احد حاط مشغول وش يعني؟!!ياناس يعني تراه مشغووول
وأتوقع انكم فهمتوا اللي في مخي :(
يابثر اللي يسوون فيها ويدخلون ويحكون معاك وانتي منتيب فيه أصلا واذا رجعتي واحترمتي وجودهم وقلتيلهم معليش ماكنت فيه يسوون فيها زعلانين(أكثر ماكثر الله الجدران)هع
بس عاد بعد انتم شيّن في خاطري وقلته
نراكم لاحقاً 3月28日 فيني نوم ولاابي انامادري انكم اشتقتولي واشتقتوا لسواليفي وادري اني مقصره في حقكم وادري اني احلى وحده فالدنيا<<اها بس
عاد اقولكم اني يوم جتني هالحاله الغبيه اللي مدري وش اسميها قلت اجي واهذر عليكم حبتيين
اييييييه سألتوني وش الحاله اللي فيني!!أنا أقولكم
فيني نوووم آد الدوونيا ولاابي انام تعبت من كثر ماانام ودي اعيش زي العالم<<مسكت خط خاله نوره خخخخخخ
اممممنمنم وشرايكم نتناقش فموضوع جدّي فالحياة وله هدف اللي هو السعوده وماادراك مالسعوده
طبعاً انتم بتستغربون ليه جا على بالي هالموضوع
لأني ذاك اليوم افكر فيه انا ووحده من البنات فسألتني سؤال حيرني كثيير
قالت عند الكويتيين وش يسمونه المكوته@@هع
طيب عند لبنان=لبننه
البحرين=بحرنه
دبي=دبدبه
بصراحه اشياء تشيب بالراس ليه الناس يفكرون بأشياء هامشيه وتاركين هالشي هع
طيب وهولندا وبوركينافاسو وبودابيست وش يسمونها
تكفون ياجماعه حاولوا تساعدوني في حل هالمشكله
ولكم خالص مدري وشو<<والله اني دايم اذكره بس يالله المره الجايه اقوله لكم
يالله ان تحييهمبسم الله وعلى بركة الله<<توهقت هع
طبعاً بحكم اني انسانه توهقت ولاعرفت وشلون ابداها فــــــــ حبيت اني أخرب أبوها معاكم بلا رسميات بلابطيخ
الزبده اني بعد ماراح سبيسي الأول الله يذكره بالخير حبيت اني أرجع لو شوي منه هنا
والله يعيين ياسامعيين خخخخخخخخ وناسه صرت شاعره
وبس عاد خلّصت وملّصت والقطاوه تعنّفصت هع
ايه صح نسيت اقولكم ترى نظامنا هنا كل واحد يخدم نفسه القهوه والشاهي والعصير فالمطبخ وكلن عنده رجول والمفتاح عند الحداد والحداد يبي فلوس...الخ
没有可用类别。
|
||||||||
|
|
